رحت غُمرة خُضار!
13 أكتوبر 2009
الاسبوع هذا من حظي اخذت اجازة من الدوام وربي سهل لي حضور مناسبات هالأسبوع رغم اني ماتوقعت اكون من الحضور بتاتاً ، الحلو إن مبنانا لسا ماخلص ضاربينه بويه طبعا لنا شهور وحنا ملحطين ماخلص ماخلص ! ماعلينا ..
لذلك اخترت مناوبتي يوم الأربعاء ,حضرت زواج وحده من الجماعه وبنفس الوقت أصدقاء مقربين للعائله العروس لو احكيكم حكايتها تنفع مسلسل مكسيكي من طول التمطيط والتأجيل اللي صار لزواجها ولكن الحمدلله ربي سهل أمورها وتزوجت 
، كان شكلها أمس راقي جدا وروعه وكلو كلو على مايرام بس خلوني احكيكم بعض الشغلات الغريبه اللي شفتها فعلا نحن مجتمع واحد في ظاهره يتجزأ لمجتمعات صغيرة داخله !
هذولي حضارم لكن مو مواليد الحبشه وهاجروا للمملكه واستقروا من زمان هنا ، و منهم اللي ماخذين الجنسية لكن طبعا أحوالهم الإقتصاديه كانت بالحبشه ثراء فاحش ومع الزمن أصبحوا هنا البعض منهم لازال على ثرائه والبعض الآخر سقط من القمه 
أكيد طبعا لهم طقوسهم وعاداتهم الخاصة و لازالوا متمسكين فيها ، حنا نسوي غمره وحده هم لا عندهم غمرتين وزواج !!
انا اخترت اروح للغمرة اللي فيها عاداتهم الحبشية قلت اتعرف على شي جديد ، وفعلا ياجماعه وناسه لما تشوف عادات غير عاداتك خاصة بمناسبات الزواج ، دخلنا عليهم الساعه 8 بعد العشاء ولسا مافي الا الأقارب علما إن غمرتنا تبدأ العصر وتنتهي بعد العشاء .. او اكثر بشوي
>> الله يخلف عليهم ويبون إدارة أعمال وطب وكليات صحيه ودي أعرف كيف بتتعامل بكره مع مرضاها ولا العملاء اتوقع تدخلهم بطراق وتطلعهم على نقاله !!
